Tapatang Dingdong/Marian - Richard and KC: GMA 7 nagpaliwanag

Seen: Sina Polo Ravales at Jean Garcia sa Trinoma. Walang inaamin sina Jean at Polo ngunit halatang-halata sa mga kilos nila na may relasyon sila.

Scene: Panonoorin nina Marian Rivera at Dingdong Dantes ang For The First Time. Ang panonood ng pelikula ang suporta nila kay Richard Gutierrez at kay Joyce Bernal, ang direktor ng Marimar at Dysebel. Ayaw paapekto nina Marian at Dingdong sa isyu na sinadyang isabay sa opening day sa mga sinehan ng For The First Time ang birthday show nila sa Araneta Coliseum sa August 27.

Seen: Ang payo ni Joey de Leon kay Pokwang nang magpasalamat ito dahil sa kanyang pagsikat mula nang tawagin siya na aswang. Mag-ingat ang payo ni Joey kay Pokwang dahil nawawala sa Wowowee ang mga co-host ng show na sumisikat. Hindi binanggit ni Joey ang pangalan ni Willie Revillame ngunit ito ang tinutukoy niya na ayaw na may ibang sikat sa kanyang show.

Scene: Ang paliwanag ng management ng GMA 7 na maliban sa August 27, walang maibigay na ibang araw ang management ng Araneta Coliseum para sa birthday show nina Marian Rivera at Dingdong Dantes. Ang paglilinaw ay bilang pagtutuwid sa intriga na sinadyang tapatan ng birthday show ang playdate ng For The First Time.

Seen: May star aura na ang Pinoy Idol winner na si Gretchen Espina. Malaking tulong kay Gretchen ang Pinoy Idol title para madagdagan ang kanyang tiwala sa sarili.

Scene: Ang duet nina Gabby Concepcion at KC Concepcion sa ASAP kahapon. Kinanta ng mag-ama ang In My Life. Nag-duet sina Gabby at KC ngunit hindi sila magkasama.

Pre-taped ang pagkanta ni Gabby at live si KC sa ASAP. Umiyak si KC sa hindi inaasahan na sorpresa. Nakakabilib ang idea na naisip ng ASAP staff. Bumilib din kaya si Sharon Cuneta?